10 январь, 2023

Ташқи меҳнат миграцияси агентлиги муҳим огоҳлантириш билан чиқди

Сўнгги кунларда Россия Федерацияси ва Қозоғистон Республикасининг ҳудудларида об-ҳавонинг кескин совуши натижасида йўлларда ҳаракатланиш билан боғлиқ қатор ноқулайликлар юзага келмоқда. Шунингдек, ушбу давлатларда яқин ҳафталар давомида ҳам совуқ ҳаво ҳарорати сақланиб қолиши хабар қилинмоқда. Шу муносабат билан Ташқи меҳнат миграцияси агентлиги ушбу давлатларда бўлиб турган Ўзбекистон фуқароларидан йўлларда ҳаракатланишда барча хавфсизлик қоидаларига қатъий риоя қилишни, зарурат бўлмаганда узоқ масофали йўлларда транспорт воситаларида ҳаракатланмасликни сўрамоқда. Эслатиб ўтамиз: юртимизда 9 январ оқшомидан бошланган аномал совуқ ҳарорат 15 январга қадар давом этиши маълум қилинган.