09 январь, 2023

Россияда бортида 12 киши бўлган самолёт музлаши оқибатида қулаб тушди

Россиянинг Ненетс автоном округида Ан-2 енгил самолёти музлаш туфайли қулаб тушди. Бу ҳақда Россия Фавқулодда вазиятлар вазирлиги хабар берди. “Дастлабки маълумотларга кўра, бортда икки нафар экипаж аъзоси ва ўн нафар йўловчи бўлган. Воқеа жойига қорда ҳаракатланадиган машиналар ва вертолётда қуруқликдаги гуруҳ юборилган”, — деб хабар берди Фавқулодда вазиятлар вазирлиги. Тирик қолган фуқаролардан бири Россия фавқулодда вазиятлар хизматига қўнғироқ қилиб, ҳодиса ҳақида маълумот берган. Ҳодисага самолётнинг музлаши сабаб бўлгани айтилмоқда.