09 январь, 2023

Болалар орасида коронавирус авж олаётгани ҳақидаги хабарлар асоссиз эканлиги айтилди

Ижтимоий тармоқларда «ёш болалар орасида коронавирус инфекцияси кўпайиб боряпти» мазмунидаги хабарлар тарқалди. Соғлиқни сақлаш вазирлиги бу маълумотларнинг ҳақиқатга зид эканлигини айтмоқда. Вазирликнинг маълум қилишича, болалар орасида ўткир респиратор касалликлар ва коронавирусга чалинишнинг сўнгги кўтарилиши ўтган йил куз ойларига тўғри келган. Ўша пайтда Зангиота юқумли касалликлар шифохонасида беморлар учун 500 та қўшимча шифо ўрни яратилган. Шунингдек, ҳозир ҳолат барқарор бўлиб, хасталаниш кўрсаткичлари кескин камайган. Маълумот учун, агар болалар орасида коронавирус ёки бошқа ўткир респиратор касалликлар ортиши кузатилса, бу бўйича расмий ахборот берилади.