07 январь, 2023

Дешам Франция терма жамоаси билан шартномасини узайтирди

Франция футбол федерацияси миллий терма жамоа бош мураббийи Диде Дешам билан шартномани 2026 йилгача узайтирганини эълон қилди. Бу ҳақда ташкилотнинг расмий сайти хабар берди. Қайд этилишича, Дешам 2012 йилнинг июнида Франция терма жамоасини бошқарган эди. Дешам бошчилигидаги Франция терма жамоаси 139 учрашувда 89 та ғалабага эришган. Унинг қўл остида французлар 2018 йилда Россияда бўлиб ўтган ЖЧ-2021, Миллатлар Лигаси-2021да ғолиб чиқди, Евро-2016 ва Қатар-2022 Жаҳон чемпионати финалига чиқди. Эндиликда Франция ФИФА рейтингида учинчи ўринда, сўнгги беш йил давомида доимий равишда кучли тўртликдан жой олди. Эслатиб ўтамиз, Қатарда бўлиб ўтган ЖЧ-2022 финалида Франция терма жамоаси Аргентина терма жамоасига имкониятни бой берганди (3:3, пенальтилар церийасида 2:4).