06 январь, 2023

Сирдарёда туман газ бўлим бошлиғи пора билан ушланди

Прокуратура департаменти Сирдарёда газ таъминоти бўлимининг таъмирлаш хизмати бошлиғи ушланганини маълум қилди. Маълум қилинишича, ДХХнинг Сирдарё тумани бўлимлари томонидан ўтказилган тезкор тадбирда, “Сирдарётумангаз” газ таъминоти бўлимининг таъмирлаш хизмати бошлиғи М.К. фуқаро М.Р.нинг ижарада яшаётган хонадонида табиий газ тармоғига ноқонуний уланиб, 6,3 млн сўм зарар аниқланганлиги ҳолати бўйича тузилган далолатномани йўқ қилиб бериш эвазига 1 млн сўм олган вақтида ашёвий далиллар билан ушланган. Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.