06 январь, 2023

Қор кўчкиси хавфи мавжуд ҳудудлардан аҳоли вақтинча кўчирилиши мумкин

Қор кўчкиси хавфи мавжуд ҳудудлардан аҳоли вақтинча кўчирилиши мумкин. Бу ҳақда «Ҳуқуқий ахборот» хабар бермоқда. Аҳолини ва ҳудудларни хавфли гидрометеорологик ҳодисалар ҳамда геологик жараёнлар билан боғлиқ фавқулодда вазиятлардан муҳофаза қилиш ишлари самарадорлигини ошириш мақсадида: Тошқин сувлари ва сел оқимларини хавф-хатарсиз ўтказиб юборишни таъминлаш, қор кўчиши ва ер кўчкиси ҳодисалари хавфини камайтириш бўйича ҳукумат комиссияси тасдиқланган. Ҳукумат комиссиясининг асосий вазифаларидан бири сел, сув тошқини, қор кўчкиси ва ер кўчкиси хавфи мавжуд бўлган ҳудудларда жойлашган аҳолини вақтинча кўчириш ва кейинчалик (зарур ҳолларда) босқичма-босқич хавфсиз жойларга доимий яшаш учун кўчириш бўйича комплекс чора-тадбирларни ишлаб чиқиш ва амалга ошириш ҳисобланади.