05 январь, 2023

Неймар ёзда «ПСЖ»ни тарк этиши мумкин

«ПСЖ» ёзги трансфер ойнасида Неймарни сотиши мумкин. Бу ҳақда Diario Sport хабар берди. Қайд этилишича, Париж клуби ўз спорт лойиҳасини ислоҳ қилиб, Месси ва Мбаппени ўз сафида олиб қолмоқчи. Қолаверса, икки футболчининг маошини пасайтиришни режалаштирмоқда. Натижада клуб Неймар билан хайрлашиши мумкин. «ПСЖ» бразилиялик футболчининг трансфери учун тахминан 100 миллион евро сўраши мумкин, бироқ футболчининг ўзи жамоани тарк этишни истамаяпти. Футболчининг юқори маоши ҳам бразилияликнинг янги жамоага ўтишига тўсқинлик қилиши мумкин - ПСЖда у мавсумига тахминан 40 миллион евро олади. Футболчининг ПСЖ билан шартномаси 2026 йилгача мўлжалланган ва унда яна бир мавсумга узайтириш имконияти мавжуд.