04 январь, 2023

Пике футболчилик фаолиятини тиклаши мумкин

«Барселона» собиқ футболчиси Херард Пике фаолиятини қайта тиклаши мумкин. Бу ҳақда Relevo хабар берди. Пике ноябрь ойида футболчилик фаолиятини якунлаганди. Энди 35 ёшли испаниялик футболчи ўзига тегишли бўлган «Андорра» клубида ўйнашни режалаштирмоқда. Бироқ Херард футболчилик фаолияти тиклашига бир қанча тўсиқлар мавжуд. Биринчидан, Пикенинг маоши. Гарчи футболчилик фаолиятини якунлаган бўлса-да, у ҳамон «Барселона» таркибида рўйхатда турибди. Унинг маоши эса 20 миллион еврони ташкил этади. Иккинчидан эса Испаниянинг иккинчи дивизионида иштирок этувчи «Андорра» Пикега энг кам ушбу нархни тўлай олмайди. Бунинг иложи бор, бироқ Ла Лига махсус комиссияси ушбу масалани ҳал қилади.