03 январь, 2023

Ўзбекистонда 2022 йил давомида истеъмол секторидаги нархларнинг ўсиш даражаси 12,3 фоизга етди

Давлат статистика қўмитаси маълумотларига кўра, 2022 йилнинг декабрь ойида истеъмол секторидаги товарлар ва хизматлар ўртача 1,2 фоизга ошган. Шунингдек, 2022 йил давомида истеъмол секторидаги нархларнинг ўсиш даражаси 12,3 фоизга етган. 2022 йилнинг декабрь ойида нархлар ва тарифлар ўсишида етакчи ўринларни озиқ-овқат маҳсулотлари эгаллаб, ой давомида уларнинг нархлари ўртача 1,7 фоизга ошди. Шу даврда ноозиқ-овқат товарлари нархлари 0,8 фоизга ва аҳолига пуллик хизматлар кўрсатиш 1,1 фоизга ошган.