03 январь, 2023

Наманганда уч эгизак қиз туғилди

Наманган вилоятида 3 нафар эгизак қиз фарзанд дунёга келди. Бу ҳақда Соғлиқни сақлаш вазирлиги хабар берди. Маълум қилинишича, Наманган вилоятининг Тўрақўрғон туманидаги Ёртепа кўча маҳалласида яшовчи Акмалжон Худойбердиев ҳамда Мафтуна Қурбоновалар оиласида бугун, 3 январь куни бир йўла уч фарзанд дунёга келди. Уларнинг ҳаммаси қизалоқ.

"Она ва эгизаклар соғлом", - дейилади хабарда.

Эслатиб ўтамиз, янги йилнинг биринчи суткасида 2155 нафар чақалоқ дунёга келган эди.