03 январь, 2023

Гулистонда ҳайдовчилар йўл талашиб муштлашди

Ижтимоий тармоқларда Сирдарё вилоятининг Гулистон шаҳридаги чорраҳада ҳайдовчилар йўл талашиб, ўзаро жанжаллашгани акс этган видео тарқалди. Ҳолатга вилоят ИИБ муносабат билдирди. Қайд этилишича, мазкур ҳодиса 2022 йилнинг 31 декабрь куни Гулистон шаҳрининг “Ўзбекистон” шоҳкўчаси ва Хондамир кўчаси кесишмаларида содир бўлган. ИИБ масъул ходимлари воқеа жойига етиб бориб, иштирокчиларнинг шахсига аниқлик киритган. Ҳозирда терговга қадар текширув ишлари олиб борилмоқда.

“Айбдорларга қонуний чора кўрилиб, қонун устуворлиги таъминланади”, — дейилади хабарда.