02 январь, 2023

Қобулдаги аэропорт яқинида кучли портлаш юз берди

1 январь куни эрталаб Кобулдаги Ҳамид Карзай номидаги халқаро аэропорт яқинида кучли портлаш юз берди. Бу ҳақда Афғонистоннинг AITV телеканали хабар берди. Маълум қилинишича, портлаш овози Афғонистон пойтахтининг турли ҳудудларида эшитилган. Портлашнинг табиати ва қурбонлар бўлиши мумкинлиги ҳақида маълумот йўқ, Толибон ҳукумати вазиятга расман изоҳ бермади. Al Jazeera телеканали ҳукуматдаги манбага таяниб, портлаш оқибатида ҳалок бўлганлар ва жароҳатланганлар ҳақида, уларнинг сонини айтмаган ҳолда маълум қилди. Аввалроқ Афғонистон Ички ишлар вазирлигининг янги биноси ёнида жойлашган масжидда портлаш содир бўлиб, 25 киши ҳалок бўлган, яна бир неча ўнлаб фуқаролар жароҳатланган эди.