01 январь, 2023

Тошкентда кўп қаватли уйда ёнғин содир бўлди

Тошкентда 31 декабрь куни 12-қаватда жойлашган хонадонда ёнғин содир бўлди. Бу ҳақда туман ҳокимлиги ахборот хизматит хабар берди. Маълум қилинишича, 31 декабрь куни тахминан соат 21:51 лар атрофида Тошкент шаҳар Янгиҳаёт туманининг «Олчазор» маҳалласидаги кўп қаватли уйнинг 12-қаватида жойлашган хонадонда ёнғин келиб чиқди. Қайд этилишича, воқеа жойига туман фавқулодда вазиятлар бўлими ходимлари етиб келган ва ёнғин зудлик билан бартараф этилди. Шунингдек, туман ҳокими ва сектор раҳбарлари томонидан вазият назоратга олинган. Ёнғин оқибатида жабрланган фуқаролар бўлмаган.