31 декабрь, 2022

Криштиану Роналду «Ан Наср» билан икки йиллик шартнома имзолади

Португалиялик футболчи Криштиану Роналду фаолиятини Саудия Арабистонининг «Ан-Насср» клубида давом эттиради. Маълум қилинишича, 37 ёшли ҳужумчи Саудия Арабистони клуби билан 2025 йил ёзигача мўлжалланган битим имзолади. Португалиялик футболчининг йиллик маоши — тижорат ва элчилик хизматлари билан 200 млн евро. Шу тариқа, у дунёнинг энг кўп маош олувчи футболчисига айланди. Шу билан биргаликда ўзбекистонлик ярим ҳимоячи Жалолиддин Машарипов билан бир жамоада ўйнайдиган бўлди. Роналду ноябрь ойида «Манчестер Юнайтед» билан амалдаги шартномани бекор қилганди.