30 декабрь, 2022

Филиппинда сув тошқини қурбонлари ва бедарак йўқолганлар сони яна ортди

Филиппинда кучли ёмғир оқибатида юзага келган сув тошқинлари туфайли 44 киши ҳалок бўлди, 28 киши бедарак йўқолди. Бу ҳақда ТАСС хабар берди. Хавфларнинг олдини олиш ва табиий офатларни бартараф этиш бўйича миллий кенгашнинг ҳисоботида айтилишича, сув тошқинидан мамлакатнинг10 та ҳудудида 509,3 мингдан ортиқ киши жабрланган. Агентлик маълумотларига кўра, 151 эвакуация марказига 15,8 минг киши кўчирилган. Камида 1,42 минг киши уйини олдиндан тарк этган, 12 киши турли тан жароҳатлари олган. Республиканинг тўққиз вилоятида табиий офат билан боғлиқ 434 та ҳодиса, жумладан, сув тошқинлари ва кўчкилар қайд этилган. Шунингдек, сув тошқинлари сабаб 983,4 минг доллар миқдорида 4,5 минг уйга зарар етказган. Бундан ташқари, 129 та йўл ва 14 та кўприкни вайрон қилган, 19 та денгиз портига зарар етказган. 63 та шаҳарда электр таъминотидаги узилишлар қайд этилган.