29 декабрь, 2022

«Ливерпуль» 42 млн евро эвазига янги футболчи сотиб олди

«Ливерпуль» клуби нидерландиялик 23 ёшли ҳужумчи Коди Гакпо трансферини эълон қилди. Бу ҳақда инглиз клуби расмий сайти хабар берди. Хабарда айтилишича, футболчининг трансфер нархи — 42 млн евро. Бу қиймат бонуслар ҳисобига 57 млн еврога етиши мумкин. Маълумот учун, Гакпо бу мавсумда клублар миқёсида 20та ўйинда 13та гол ва 17та ассистни ўз ҳисобига ёздириб қўйди. Нидерландия терма жамоаси сафида эса ЖЧ-2022да 5та баҳсда 3та гол урган.