29 декабрь, 2022

2022 йилда дунё бўйлаб қанча журналист ҳалок бўлгани маълум қилинди

«Чегара билмас мухбирлар» халқаро ташкилоти хабар беришича, 2022 йилда дунё бўйлаб камида 59 нафар журналист ҳалок бўлган. Қайд этилишича, ҳалок бўлганларнинг 80 фоизи қасддан ўлдирилган. Мексика кетма-кет тўртинчи йил журналистлар учун энг хавфли давлат бўлиб қолмоқда. Ўтган йили бу ерда уюшган жиноятчилик каби нозик мавзуларни ёритган камида 11 журналист ўлдирилган. Яна ярим ўнлаб ҳолатларда ҳозиргача мексикалик журналистларнинг ўлими ва уларнинг иши ўртасидаги боғлиқликни исботлай олмади. Аввалроқ «Чегара билмас мухбирлар» ташкилоти ҳам 2022 йилда дунё бўйлаб камида 65 нафар ОАВ ходими ўғирлаб кетилганини тахмин қилган эди. Бундан ташқари, 1 декабрь ҳолатига кўра, дунё бўйлаб камида 533 нафар журналист қамоққа олинган. Бундай ҳолатларнинг ярмидан кўпи бешта давлатда учрайди: Хитой, Мьянма, Эрон, Вьетнам ва Беларусь.