28 декабрь, 2022

Вакант лавозимларга энг кўп очиқ танлов ўтказган ташкилотлар маълум қилинди

Давлат фуқаролик хизматчилари вакант лавозимларига ягона очиқ портал — vacancy.argos.uz орқали энг кўп танлов ўтказган ташкилотларнинг ТОП-10 талиги эълон қилинди. Ёшлар ишлари агентлиги 16 152 та вакант жойга очиқ танлов ўтказган ва 1-ўринни эгаллаган. Энг кўп танлов ўтказиб, ТОП-10 таликка кирган вазирлик ва идоралар:

Ёшлар ишлари агентлиги — 16 152 та
Давлат солиқ қўмитаси — 12 369 та
Оила ва хотин-қизлар давлат қўмитаси — 11 877 та
Молия вазирлиги — 9 573 та
Халқ таълими вазирлиги — 7 100 та
Қишлоқ хўжалиги вазирлиги — 5 857 та
Мактабгача таълим вазирлиги — 5 542 та
Иқтисодий тараққиёт ва камбағалликни қисқартириш вазирлиги — 2 862 та
Ветеринария ва чорвачиликни ривожлантириш давлат қўмитаси — 2 568 та
Давлат статистика қўмитаси — 2 506 та

Маълумот учун, очиқ портал — vacancy.argos.uz’га 78 та давлат органи ва ташкилоти, 208 та туман (шаҳар) ҳокимлиги уланган бўлиб, улар томонидан мавжуд вакант лавозимлар учун жами 140 мингдан ортиқ танлов эълон қилинган.