27 декабрь, 2022

Икром Алибоев Кореянинг "Канвон" клубига трансфер қилинди

"Пахтакор" ярим ҳимоячиси Икром Алибоев Кореянинг "Канвон" клубига трансфер қилинди. Бу ҳақда клуб матбуот хизмати хабар берди. Маълум бўлишича, ярим ҳимоячи фаолиятини Кореянинг "К" лига иштирокчиси сафида давом эттиради. "Пахтакор" футбол мактаби тарбияланувчиси саналган Икром Алибоев 2022 йилги мавсумда "Пахтакор" билан Суперлигада ғолиб чиқди. Кореянинг "Канвон" клуби юртимизда мавсум якунига етгач, Алибоевни ўз таркибига қўшиб олиш истаги ҳақида маълум қилди. Клублар ўртасидаги музокаралардан сўнг Икром фаолиятини "Канвон" сафида давом эттирадиган бўлди. У мазкур жамоага трансфер қилинди.