25 декабрь, 2022

Илон Маск Twitter бош директори лавозимини тарк этади

Америкалик миллиардер Илон Маск Twitter раҳбариятини тарк этиш шартини маълум қилди. Бу ҳақда Forbes хабар берди. Қайд этилишича, Маск компания бош директорлиги учун асосий номзод топилганидан кейин истеъфога чиқишини маълум қилди.

«Бу ишни бажариш учун аҳмоқ одамни топсам, мен бош директор лавозимини тарк этаман! Шундан сўнг, мен шунчаки дастурий таъминот ва сервер жамоаларини бошқараман», — деди Маск.

18 декабрь куни Twitter эгаси ижтимоий тармоқ фойдаланувчиларидан компания раҳбари лавозимидан кетиши керакми ёки йўқми, овоз беришни сўраган эди. Унда кўпчилик унинг кетишини ёқлаб чиққанди.