25 декабрь, 2022

Бразилия бош мураббийлигига асосий номзодлар маълум қилинди

Бразилия терма жамоаси бош мураббийлигига асосий даъвогарлар маълум қилинди. Бу ҳақда L'Equipe хабар берди. Хабарда айтилишича, Тите кетганидан кейин бўшаб қолган лавозимга 4 нафар мутахассис номзоди асосий даъвогар бўлиб турибди. Жумладан, Зинедин Зидан, Маурисио Почеттино, Томас Тухель ва Рафаэль Бенитес номлари айтилмоқда. Бразилия футбол конфедерасияси эса асосий номзод сифатида Зиданни танламоқда. Қолаверса, терма жамоанинг аксарият футболчилари франциялик мутахассис билан биргаликда ишлашни истамоқда. Ўз навбатида Зидан ҳам ишсиз ва тез орада янги чақирувларни қабул қилишга тайёргарлигини маълум қилганди.