24 декабрь, 2022

Хизмат кўрсатиш соҳасидаги корхоналар томонидан 9,9 трлн сўм солиқлар тўланган

Давлат солиқ хизмати ахборотига кўра, 1.12.2022 йил ҳолатига хизмат кўрсатиш фаолияти билан шуғулланувчи 143 724 та юридик шахс томонидан 9,9 трлн сўм солиқ тўланган. Шундан 2,3 трлн сўми, яъни 23,5 %и 20 та корхона ҳисобига тўғри келади, улар тўлаган солиқлар 28 трлн сўм товар айланмасининг 8,3 фоизини ташкил этиб, қўллаган солиқ имтиёзлари миқдори эса 2 трлн сўм.

Ушбу 20 та солиқ тўловчи томонидан таъминланган тушумлар солиқ турлари кесимида:

ҚҚС – 1,2 трлн сўм;
Фойда солиғи – 616,6 млрд сўм;
ЖШОДС - 382,5 млрд сўм;
Мол-мулк солиғи - 48,5 млрд сўм;
Ер солиғи - 44,4 млрд сўм;
Сув ресурсларидан фойдаланганлик учун солиқ - 1,4 млрд сўм.