24 декабрь, 2022

Наманганда банк ходими мижозларини чув туширди

Наманганда банк ходими ўз мавқеидан фойдаланган ҳолда мижозларининг пластик карточкаларидан 86 миллион сўмдан ортиқ пулларни ўзлаштиргани аниқланди. Бу ҳақда Киберхавфсизлик хизмати хабар берди. Қайд этилишича, Наманган шаҳрида яшовчи бир гуруҳ фуқаролар ариза билан мурожаат қилиб, уларнинг банк картасидан жами 86 миллион сўмдан ортиқ пуллари номаълум шахс томонидан ечиб олинганлигини билдириб, унга нисбатан қонуний чора кўришликни сўрашган. Олиб борилган тезкор-қидирув тадбирлари натижасида, пулларни ўзлаштирган шахслар Наманган вилояти Наманган шаҳрида яшовчи, 2000 й.т., банк ходими У.А. ва унинг иш ўрганувчиси (стажёр) О.А. биргаликда амалга оширганликлари аниқланган. Жиноятчилар хизмат мавқеидан фойдаланган ҳолда мижозлар томонидан ишониб топширилган банк карталарини янгилаб бериш вақтида банк карталаридаги пулларни ўзлаштирганликлари маълум бўлди. У.А. ва О.А.га нисбатан ЎзР. ЖКнинг 169-моддаси 3-қисми билан жиноят иши қўзғатилиб, тергов ҳаракатлари олиб борилмоқда.