24 декабрь, 2022

Месси «ПСЖ»да қолишга қарор қилди

Аргентина терма жамоаси ҳужумчиси Лионель Месси «ПСЖ»да қоладиган бўлди. Бу ҳақда инсайдер Гильем Балаге хабар берди. Қайд этилишича, 35 ёшли футболчи Қатарда ўтган турнирдан кейин Франция клуби сафида қолишга қарор қилган. Тез орада футболчи бўйича расмий хабар берилади. Журналистнинг айтишича, футболчининг отаси ва агенти Хорхе «ПСЖ» директори Луиш Кампуш ва клуб президенти Носир Ал-Ҳилайфи билан тўрт ой давомида музокара олиб борган. Месси ва Париж клуби ўртасида ёзда «1+1» кўринишида янги шартнома имзоланади. Унга кўра, Мессининг клубдаги маоши яна оширилади. Тахминларга кўра, футболчининг маоши йилига 41 млн еврони ташкил этади.