24 декабрь, 2022

АҚШда қор бўронлари туфайли 5 мингдан ортиқ авиарейслар бекор қилинди

АҚШда кузатилаётган қор бўронлари оқибатида камида 9 киши ҳалок бўлди. Бу ҳақда CNN хабар берди. Қайд этилишича, қор бўронлари Огайо, Миссури, Кентукки ва Канзас штатларида кузатилган. Натижада ноқулай об-ҳаво туфайли ЙТҲ кўпайган ва ҳалок бўлганлар сони ортган. Шунингдек, штатларда ҳаво ҳарорати рекорд даражада пасайган, жумладан, Вайомингда 41 даража совуқ қайд этилган. Натижада Жоржия, Кентукки, Нью-Йорк, Оклахома, Шимолий Каролина ва Жанубий Дакотада фавқулодда ҳолат эълон қилинган. Жума куни қор бўронлари туфайли 5.4 минг авиарейс бекор қилинган. Шунингдек, бутун мамлакат бўйлаб 590 минг киши электрсиз қолган.