23 декабрь, 2022

Умумий овқатланиш корхоналари томонидан 767 млрд сўмдан ортиқ солиқлар тўланган

Давлат солиқ хизмати ахборотига кўра, 1.12.2022 йил ҳолатига умумий овқатланиш фаолияти билан шуғулланувчи 18 425 та юридик шахс томонидан 767,3 млрд сўм солиқ тўланган. Шундан 127,3 млрд сўми, яъни 16,6 %и 20 та корхона ҳисобига тўғри келади, улар тўлаган солиқлар 1,2 трлн сўм товар айланмасининг 10 фоизини ташкил этиб, қўллаган солиқ имтиёзлари миқдори эса 20 млрд сўм. Энг кўп солиқ тўлаган 20 та корхона томонидан қўлланилган солиқ имтиёзлари ҳамда тўланган солиқлар батафсил инфографикада.

Ушбу солиқ тўловчилар томонидан таъминланган тушумлар солиқ турлари кесимида:

ҚҚС – 79,9 млрд сўм;
Фойда солиғи – 22,9 млрд сўм;
ЖШОДС - 23 млрд сўм;
Мол-мулк солиғи - 1,1 млрд сўм;
Ер солиғи - 0,4 млрд сўм.