23 декабрь, 2022

Ўзбекистон ва Хитой статистикасидаги газ эскпортидаги фарқ қандай келиб чиқмоқда?

Муҳокамаларга сабаб бўлаётган ушбу саволга Ўзбекистон энергетика вазири Жўрабек Мирзамаҳмудов жавоб берди. Унинг билдиришича, Ўзбекистон ва Хитой статистика идоралари рақамларни икки хил усулда қайд этади. "Тан олиш керак, икки мамлакатнинг статистик ҳисоботларида фарқ бор. Сабаби, бизнинг статистикада фақатгина экспорт қилинган газнинг ҳажми ва унинг суммаси кўрсатилган. Хитой тарафи эса, умуман Ўзбекистондан импорт қилинган товар ва маҳсулотлар хизматларини инобатга олган. Ва бу ерда Ўзбекистондан экспорт қилинган газдан ташқари, Ўзбекистон ҳудудидан Туркманистондан тортиб Хитойгача кетган газ қувури бор. Бизнинг ҳудудда "Asia Trans Gas" қўшма корхонаси бор. Ушбу корхона газ транспортини амалга ошириб беради. Яъни, Ўзбекистон ҳудудидан транспорт қилинган газ ва транзит хизматлари учун тўланган пул. Мана шу иккита суммани қўшганда Хитой статистикаси берган рақам келиб чиқади", — дея тушунтириш берди Ўзбекистон энергетика вазири.

газ экспорти