22 декабрь, 2022

«Реал Мадрид» Мбаппе трансфери учун қанча сарфламоқчи?

Мадриднинг «Реал» клуби ПСЖ ҳужумчиси Килиан Мбаппе сотиб олишга жиддий киришади. Бу ҳақда La Gazzetta dello Sport хабар берди. Қайд этилишича, мадридликлар Мбаппе трансферига жами 1 миллиард евро сарфлашга тайёр. Ушбу маблағдан футболчининг юқори маоши, трансфер нархи ва турли бонуслар ҳам ўрин олган. Франциялик футболчи ПСЖда уч йилда 636 миллион евро маош олади. «Реал» президенти Флорентино Перес эса унинг талабини бажаришга рози. Маълумот учун, Мбаппе Франция чемпионатининг жорий мавсумида 14 та ўйинда 12 та гол урди ва 2 та голли узатмани амалга оширди.