22 декабрь, 2022

Ўзбекистонда 11 ойда 12 млрдан сўмдан ошиқ автомобиль йўлларида сифатсиз ишлар бажарилгани аниқланди

Ўзбекистонда 11 ой ичида 231 та ҳолат бўйича умумий суммаси 12 млрд 249 млн сўмлик сифатсиз қурилиш-монтаж ишлари бажарилгани аниқланди. Бу хақда «Ўзйўлинспекция» ахборот хизмати хабар берди. Қайд этилишича, инспекция томонидан 11 ой ичида 231 та ҳолат бўйича умумий суммаси 12 млрд. 249 млн. сўмлик – умуман сифатсиз бажарилган қурилиш-монтаж ишлари ҳажмини тўловдан чиқариш бўйича – буюртма берган ташкилотларга талабномалар киритилди. Шундан 9 млрд 210 млн сўмдан ортиқ 210 та талабнома ижроси таъминланди.

“Ўзйўлинспекция” томонидан жорий йил 11 ойи давомида – йўл қурилиши объектлари, сунъий иншоотлар (яъни кўприк ва йўл ўтказгичлар) ҳамда йўл-қурилиш материаллари ишлаб чиқариш бўйича 5461 та объектда назорат ўтказилди.

Натижада 7617 та қоидабузилиш ҳолатлари аниқланиб, уларни бартараф этиш учун буюртмачи, пудратчи, лойиҳачи ва сақловчи ташкилотларга – 4608 та бажарилиши мажбурий кўрсатма берилди. 7 ярим мингдан ортиқ қоида бузилиш бартараф этилди.