22 декабрь, 2022

Норов бошчилигидаги делегация 22-25 декабрь кунлари Япониянинг Токио шаҳрида бўлади

22-25 декабрь кунлари Ўзбекистон Республикаси Ташқи ишлар вазири Владимир Норов бошчилигидаги делегация «Марказий Осиё + Япония» мулоқоти ташқи ишлар вазирларининг 9-йиғилишида иштирок этиш учун Япониянинг Токио шаҳрига ташриф буюради. Бўлажак тадбир кун тартибидан транспорт боғлиқлиги, логистика, саноат кооперацияси, соғлиқни сақлаш, таълим, «яшил» иқтисодиётни ривожлантириш соҳаларида ҳамкорлик масалалари ўрин олган. Ташриф доирасида Ўзбекистон Ташқи ишлар вазири қатор икки ва кўп томонлама музокаралар ўтказади, шунингдек, Япония ишбилармон доиралари вакиллари ҳамда ватандошлар билан учрашувлар ўтказади.