22 декабрь, 2022

Илон Маск 2022 йилда қарийб 122,6 млрд доллар йўқотди

Tesla, SpaceX ва Twitter компаниялари раҳбари Илон Маск 2022 йилда қарийб 122,6 млрд доллар йўқотди. Бу ҳақда Bloomberg хабар берди. Хабарда айтилишича, Маск 2022 йилдаги йўқотишлари 2021 йилда топган умумий даромадидан кўп. 2021 йилда америкалик миллиардер қарийб 122 млрд доллар ишлаб топган. Маск Twitter'ни сотиб олганидан кейин бир неча кун ичида 70 млрд доллар йўқотганди. Натижада у дунё миллиардерлари рўйхатидаа 2-ўринга тушиб қолди. Ҳозирда унинг умумий бойлиги 147,7 млрд долларни ташкил этмоқда. 1-ўринда эса Бернард Арно 161 млрд доллар билан етакчилик қилмоқда.