22 декабрь, 2022

Депутатлар «Давлат бюджети тўғрисида»ги қонун лойиҳасини қабул қилди

Олий Мажлис Қонунчилик палатаси депутатлари «2023 йил учун Ўзбекистон Республикасининг Давлат бюджети тўғрисида»ги қонун лойиҳасини кўриб чиқишди. Мажлисда бош молиявий ҳужжат лойиҳаси муҳокама қилиниб, парламент вакилларининг берган саволларига Молия вазири Тимур Ишметов, тегишли вазирлик ва идораларнинг масъуллари атрофлича жавоб қайтарди. Қизғин давом этган муҳокамалар, савол-жавоблардан сўнг қонун лойиҳаси депутатлар томонидан қабул қилинди ва Сенатга юбориладиган бўлди.