21 декабрь, 2022

«Ювентус» еврокубоклардан четлатилиши мумкин

Европа футбол ассоциациялари иттифоқи (УЕФА) «Ювентус»ни еврокубоклардаги иштирокидан четлаштириши мумкин. Бу ҳақда La Gazetta dello Sport хабар берди. Манбага кўра, молиявий қоидабузарликлар факти тасдиқланса, «Ювентус»га нисбатан халқаро турнирлардан четлаштириш кўринишидаги санкция қўлланилади. Айни дамда клуб устидан тергов ишлари олиб борилмоқда. Эслатиб ўтамиз, аввалроқ ОАВ коронавирус пандемияси даврида «Ювентус» ўз футболчиларига яширинча маош тўлагани ҳақида хабар берган эди, гарчи клуб ўйинчилар пулдан вақтинчалик воз кечганини очиқ эълон қилган бўлсада. «Кекса синора» 17 нафар футболчига 60 миллион еврога яқин маош тўлаган. Оммада футболчилар маошдан бош тортгани ҳақида эълон қилинганига қарамай, «Юве» раҳбарияти ўйинчилар билан яширин шартномалар тузиб, уларга катта маблағ тўлашган.