21 декабрь, 2022

Хитой – Қирғистон – Ўзбекистон – Афғонистон мультимодал йўналишида транзит ташувлари ривожланмоқда

Жорий йилда ташкил этилган Хитой – Қирғистон – Ўзбекистон – Афғонистон мультимодал йўналишида контейнер ташувлари ҳажми ортиб бормоқда. Бу ҳақда Ўзбекистон Республикаси Транспорт вазирлиги Ахборот хизмати хабар бермоқда. Ушбу йўналишда яна 10 та 40 футлик контейнерлар ташувлари амалга оширилди. Халқ хўжалиги юклари ортилган ушбу контейнерлар Хитойнинг Қашғар темир йўл станциясидан Қирғизистоннинг Ўш станциясига автомобилда олиб келинади ва у ердан фитинг платформаларига ортилган ҳолда Ўзбекистон орқали Афғонистоннинг Хайратон станциясига етказилади. Мазкур йўналиш бўйича Ўзбекистонда бош экспедитор «Ўзтемирйўлконтейнер» АЖ ҳисобланади.