21 декабрь, 2022

Тошкентда Audi автомобили ёниб кетди

Ижтимоий тармоқларда Тошкент шаҳри Чилонзор туманида Audi автомобили ёниб кетгани акс этган видеолар тарқалди. Фавқулодда вазиятлар вазирлиги ҳолат юзасидан расмий маълумот берди. Қайд этилишича, 21 декабрь куни соат 16:32 да Чилонзор тумани «Қозиробод» МФЙ ҳудудидан ўтган КХЙ кўчасида «Ауди» русумли автомобилда ёнғин содир бўлаётганлиги тўғрисида шаҳар ФВБга хабар келиб тушган. Шунга кўра 2 та ёнғин-қутқарув экипажи соат 16:39 да воқеа жойига етиб бориб, ёнғин соат 16:54 да ўчирилган. Ёнғин натижасида автомобилнинг матор ҳамда салон қисми ёниб зарарланган. Ёнғин электр симларида юзага келган қисқа туташув натижасида содир бўлганлиги тахмин қилинмоқда. Ҳодиса оқибатда тан жароҳати олган ва ҳалок бўлганлар йўқ.