21 декабрь, 2022

Қашқадарёда 28 ёшли аёлнинг жасади ҳаммомдан топилди. Қотил ҳам маълум бўлди

Қашқадарё вилояти Касби тумани "Тинчлик" маҳалласидаги уйда ижарада яшаб келган аёл шу йилнинг 16 декабрь куни вафот этди. Маълум қилинишича, 1994 йилда туғилгани тахмин қилинаётган аёл Ф.Д.нинг жасади ҳаммомдан топилган. Аёл "Тинчлик" маҳалласидан "Қамаши" маҳалласига турмушга чиққан. Оилавий келишмовчилик туфайли яна ўзи яшаган "Тинчлик" маҳалласига қайтиб, 3 нафар боласи билан ижарада яшаб келган. Бош Прокуратура матбуот хизмати ҳолат юзасидан қўшимча маълумот берди. Мазкур ҳолат юзасидан терговга қадар текширув ҳаракатлари олиб борилган. Текшириш давомида аёлни собиқ турмуш ўртоғи қасддан ўлдирганлиги аниқланган. Ушбу ҳолат бўйича 17 декабрь куни Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган ва гумонланувчи процессуал тартибда ушланган. Тергов ҳаракатлари олиб борилмоқда.