20 декабрь, 2022

Нега "СOVID-19"га қарши вакцина олиш ҳамон муҳим?

Сўнгги ойларда дунёда коронавирус пандемиясининг янги тўлқини авж олган. Ўзбекистон Соғлиқни сақлаш вазирлигининг маълум қилишича, Ўзбекистонда ҳам куз ойларига нисбатан касалланишлар сони ҳозир бирмунча юқори. Шу боис мутахассислар COVID-19га қарши эмланиш ҳамон долзарб эканлигини таъкидлайди. Олий тоифали шифокор Ҳилола Жамилованинг таъкидлашича, вакциналар организмнинг табиий иммунитети билан бирлашиб, ҳимоя тизимини ҳосил қилади. Бу мустаҳкам “қалқон” касалланиш хавфини кескин камайтиради.

"Вакцина инсон танасига юборилгач, организмнинг бунга жавоб реакцияси бошланади. Яъни иммунитет тизими танага кирган “агент”, яъни вирус ёки бактерияни аниқлайди ва сўнг антитаналар ишлаб чиқаришга киришади. Антитаналар — касаллик билан курашувчи табиий оқсиллар. Улар хасталикни қандай жиловлаш кераклигини эслаб қолади. Агар инсон келгусида микроб таъсирига қайта учраса ва ўзида касаллик аломатларини ҳис қилса, иммунитет тизими уни тезда йўқ қилишга киришади. Бир сўз билан айтганда, вакцина танада инфекцияга қарши иммунитетни ишлаб чиқишга кўмак берувчи хавфсиз ва самарали воситадир", - дейди шифокор.

Жаҳон соғлиқни сақлаш ташкилоти хулосасига кўра, жамоавий иммунитет тўлиқ шаклланмай туриб, ушбу хавфли касалликка барҳам бериш имконсиз. Бунинг учун эса бутун дунё аҳолисининг камида 70 фоизи тўлиқ босқичда эмланиши зарур.

ковид

Нега "СOVID-19"га қарши вакцина олиш ҳамон муҳим?

Тавсия этамиз

Хитой Cоvid авж олгандан бери биринчи марта чет эллик сайёҳлар учун чегараларни очади