20 декабрь, 2022

БМТ Бош котиби 2023 йилда Украинадаги урушни тугашини прогноз қилди

БМТ Бош котиби Антониу Гутерриш 2023 йилда уруш тугашини маълум қилди. Бу ҳақда BBC хабар берди. «Яқин келажакда самарали тинчлик музокаралари бўлиши мумкинлигига оптимистик эмасман. Мен ҳарбий қарама-қаршилик давом этишига ишонаман ва жиддий тинчлик музокаралари имкони бўлгунча ҳали кутишимиз керак деб ўйлайман», — деди у матбуот анжуманида. Гутерришнинг сўзларига кўра, БМТ асосий эътиборни бошқа жиҳатларга қаратмоқда – ғалла битими самарадорлигини ошириш ва асирлар алмашинувини тезлаштириш. Шу билан бирга, БМТ Бош котиби 2023 йилда Украинадаги урушни тугатишга эришиш мумкин, деб ҳисоблайди. «Яқин келажакда тинчлик музокаралари учун имкониятлар кўрмаётганимни айтганимда, бутун 2023 йилни назарда тутмадим. 2023 йилда тинчликка эриша оламиз, деб умид қиламан», - деди Гутерриш.