20 декабрь, 2022

АҚШ Украинага 44,9 млрд доллар ажратиши мумкин

АҚШ Конгрессига 2023-молиявий йил учун 1,7 триллион долларлик қонун лойиҳаси киритилди. Бу ҳақда Reuters маълум қилди. Хабарда айтилишича, қонун лойиҳасида Украина ва НАТОдаги иттифоқчиларга 44,9 миллиард доллар ёрдам кўрсатиш кўзда тутилган. Ушбу ёрдам олдинроқ тақдим этилган 858 миллиард долларлик мудофаа бюджетининг бир қисми ҳисобланмайди. Украинага ёрдам қуйидаги йўналишлар бўйича кўрсатилиши кутилмоқда:

ҳарбий ускуналарга — 14,5 миллиард долларгача;
тақдим этилган ускуналар захираларини тўлдиришга — 12 миллиард доллар;
ўқитиш, кийим-кечак, қуролланиш, логистика ва разведкадаги ёрдам учун — 9 миллиард доллар;
иқтидосий ва бюджет қўллаб-қувватловига — 13 миллиард доллар;
украиналик қочқинларни жойлаштириш, қўллаб-қувватлаш ва инглиз тили дарслари учун — 2,4 миллиард доллар;
Украинада юз бериши мумкин бўлган эҳтимолий ядровий ва радиацион можароларга тайёргарлик кўришга — 126 миллион доллар.

Сенаторлар қонун лойиҳасини қабул қилишга ва ёпилишнинг олдини олиш учун ҳафта охиригача президент Жо Байденга имзолаш учун юборишга шошилишмоқда. 2022-молия йилида АҚШ бюджети лойиҳасига 1,5 триллион доллар киритилган.