20 декабрь, 2022

Афғонистонда номаълум касаллик сабаб икки бола вафот этди

Афғонистоннинг Зобул вилоятида номаълум касалликка чалиниш ҳолати кескин ошди. Бу ҳақда Tolo News'га таяниб, «РИА Новости» хабар берди. Маълум бўлишича, 80 га яқин одам хасталикка чалинган, жумладан, икки бола ҳалок бўлган. Зобул вилояти соғлиқни сақлаш бошқармаси бошлиғи Абдул Ҳаким Ҳакимийнинг айтишича, касаллик Шоҳжой туманида аниқланган. Касалликка чалинганлар юқори иситма ва бурундан қон кетиш каби аломатларни бошдан кечирган. Аммо шифокорлар ҳалигача касалликнинг аниқ ташҳисини қўя олганича йўқ.