19 декабрь, 2022

Қашқадарёда Spark ЙТҲга учраб, икки киши вафот этди

Қашқадарё вилоятида Spark ЙТҲга учраб, икки киши вафот этди. Бу ҳақда вилоят ИИБ матбуот хизмати хабар берди. Маълум бўлишича, 19 декабрь куни тахминан соат 07:15 ларда халқаро аҳамиятдаги А-380 “Ғузор-Бухоро-Нукус-Бейнеу” автомобиль йўлининг 73 км.да Косон туман “Пудина” ҚФЙ ҳудудида Миришкор тумани “Зафаробод” МФЙда яшаган ҳайдовчи Б.Н. бошқарувида бўлган “Спарк” русумли автомашинани “Қарши-Косон” йўналиши бўйича бошқариб бориб, бир йўналишда олдинда ҳаракатланиб бораётган Косон тумани Мудин қишлоғида яшовчи М.Д. бошқарувидаги “ГАЗ-53” русумли автомобиль билан ЙТҲ содир этган. Натижада “Спарк” русумли автомашинаси ҳайдовчиси Б.Н. олган оғир тан жарҳати боис воқеа жойида вафот этган. Ушбу автомашина йўловчиси Н.С. эса олган тан жароҳатлари боис шифохонада вафот этган. Мазкур ҳолат юзасидан Ўзбекистон Республикаси Жиноят кодексининг 266-моддаси 3-қисми “а” банди билан жиноят иши қўзғатилиб, дастлабки тергов ҳаракатлари олиб борилмоқда.