19 декабрь, 2022

Ўзбекистонлик кикбоксчилар Осиё чемпионатида 24 та медаль қўлга киритди

Таиланднинг Банкок шаҳрида спортнинг кикбоксинг тури бўйича Осиё чемпионати ўтказилди. Бу ҳақда Ўзбекистон кикбоксинг ассоциацияси хабар берди. Мусобақанинг 18 декабрь кунги натижаларида 6 нафар ўзбекистонлик спортчилар Осиё чемпионлигига эришди Осиё чемпионлари ва олтин медаль соҳиблари:

Давлатбек Абдумуротов – 67 кг;

Сергей Косолапов – 69 кг;

Назарбек Маҳмудов – 51 кг;

Ҳасанхон Баратов – 91 кг;

Муродбек Азимов – 91 кг;

Ҳусанхон Баратов – 91 кг.

Шу тариқа, Осиё чемпионатида Ўзбекистондан 22 нафар спортчи 27 та йўналиш бўйича қатнашди. Кикбоксчиларимиз 24 та медални қўлга киритди. Шундан 10 таси олтин, 9 таси кумуш, 5 таси бронза медалидир. Шунингдек, 3 нафар ўзбекистонлик спортчилар, яъни Зарифжон Истамов (60 кг), Сергей Косолапов (69 кг), Малика Чориева (65 кг) кейинги йилда Саудия Арабистони пойтахти Ар-Риёдда бўлиб ўтадиган Жаҳон жанг санъати ўйинларида иштирок этиш йўлланмасига эга бўлди.