19 декабрь, 2022

Бухорода иккита шамол станцияси қурилмоқда

Бухоро вилоятида умумий қуввати 1 ГВт бўлган иккита шамол электр станцияси қурилмоқда. Бу ҳақда Энергетика вазирлиги хабар берди. Маълум бўлишича, Ғиждувон ва Пешку туманларида ҳар бирининг қуввати 500 МВтдан бўлган 2 шамол электр станцияси қурилмоқда. Станциялар ишга тушгач, йилига 3,6 млрд кВт-соат электр энергияси ишлаб чиқарилади. Бунинг натижасида йилига 1,1 млрд метр куб табиий газ тежалишига эришилади. Маълумот учун, станциялар 2024 йилда ишга туширилиши режалаштирилган.