18 декабрь, 2022

Фарғонада Корея компанияси томонидан замонавий боғча қурилади

Вилоят ҳокими ҳамда кореялик мутахассислар ўртаси бўлиб ўтган учрашувда томонлар замон талабига жавоб берадиган, инглиз тили ўргатишга ихтисослашган янги МТТ барпо этишга келишиб олган. «Хайрулло Бозоров бошчилигидаги Фарғона вилояти делегацияси жорий йил март ойида Кореяга ташрифи доирасида Сеулда Чунгрим Хан билан музокаралар ўтказиб, вилоят ҳокимлиги ва «Edulink Global» компанияси ўртасида Фарғонада мактабгача таълим соҳасига инвестиция киритиш юзасидан қиймати 2 млн. долларлик ҳамкорлик меморандуми имзоланганди», - дейилади вилоят ҳокимлиги Ахборот хизмати хабарида. Боғча қурилиши келгуси йил бошида бошланади. Шунингдек, кореялик мутахассислар боғчани жиҳозлаш, педагогларни тайёрлашни ҳам зиммасига олган. 400 ўринли бўлиши кутилаётган мазкур ташкилот келгуси йилнинг октябрь ойида ишга тушади.