18 декабрь, 2022

Аргентина жаҳон чемпионига айланди

Қатар яшил майдонларида бўлиб ўтган жаҳон чемпионати баҳслари якунланди. Турнинг ҳал қилувчи баҳсида Аргентина ва Франция терма жамоалари ўзаро баҳслашди. Баҳс драматик тарзда кечди. Биринчи бўлимда аргентиналиклар икки маротаба гол уриб, ҳисобда олдинга чиқиб олди. Месси ва Ди Мария гол муаллифларига айланишди. Иккинчи бўлимнинг якунлаши арафасида эса Мбаппе икки бор гол уриб, мувозанатни тиклади. Асосий вақт 2:2 ҳисобида якун топди. Қўшимча бўлимларнинг иккинчисида эса Месси навбатдаги тўпини йўллади. Аммо кўп вақт ўтмай, Мбаппе пенальтидан мувозанатни тиклади. Пенальтилар сериясида эса Аргентина ғалаба қозониб, жаҳон чемпионига айланди.