17 декабрь, 2022

Марказий банк 3 та тўлов ташкилотининг лицензиясини чақириб олди

Ўзбекистон Марказий банки мамлакатдаги 3 та тўлов ташкилотининг лицензиясини қайтариб олди. Бу ҳақда Марказий банк матбуот хизмати хабар берди. Қайд этилишича, тўловлар ва тўлов тизимлари тўғрисида”ги Қонуни 25-моддасига мувофиқ, тўлов ташкилоти лицензия олинган кундан эътиборан бир йил давомида фаолиятини амалга оширмаганлиги муносабати билан Ўзбекистон Республикаси Марказий банки бошқарувининг 2022 йил 15 декабрдаги қарорига асосан:

“International Eco Pay” масъулияти чекланган жамияти;
“Panda Internet Technology” масъулияти чекланган жамияти;
“UGNIS” масъулияти чекланган жамиятининг тўлов ташкилоти фаолиятини амалга ошириш ҳуқуқини берувчи лицензиялари чақириб олинганлиги ҳамда тўлов ташкилотлари реестридан чиқарилганлиги маълум қилинади.