17 декабрь, 2022

ЖЧ-2022. Хорватия Марокашни мағлуб этиб, бронзага эга чиқди

Қатарда ўтаётган жаҳон чемпионатида 3-ўрин учун баҳс якунига етди. Унда Хорватия ва Марокаш терма жамоалари ўзаро баҳслашди. Баҳс 2:1 ҳисобида хорватиялик футболчиларнинг муваффақияти билан якунланди. Шу тариқа, Златко Далич шогирдлари ЖЧ-2022нинг бронза медалига эга чиқишди. Бу натижа орқали хорватияликлар 1998 йилги натижасини такрорлашди. 24 йил аввал ҳам Хорватия бронзага эга чиққанди. Эслатиб ўтамиз, финал учрашуви 18 декабрь куни Франция ва Аргентина терма жамоалари иштирокида бўлиб ўтади.