12 декабрь, 2022

Тошкентдаги “Илҳом” театрида ёнғин содир бўлди

12 декабрь куни эрталаб соат 03:34 да Тошкент шаҳар Шайхонтоҳур туманидаги “Илҳом” театрида ёнғин чиқди. Фавқулодда вазиятлар вазирлигининг маълум қилишича, бу тўғрисида шаҳар ФВБга хабар келиб тушган. Ёнғинни ўчиришга 4 та ёнғин-қутқарув экипажи жалб этилган. Аниқланишича, ёнғин натижасида театр биносининг 1-қават холлининг 80 кв.м майдонда ички қисми ва жиҳозлари ёниб зарарланган. Тезкор ҳаракатлар сабабли ёнғиндан бинонинг 600 кв.м. майдони сақлаб қолинган. Ҳодиса оқибатида ҳеч ким тан жароҳати олмаган ёки ҳалок бўлмаган. Ҳозирда ёнин сабаби ва моддий зарар миқдори аниқланмоқда. Ёнғин туфайли спектакллар минимум икки ҳафтага қадар тўхтатилди. Олдин сотиб олинган барча чипталар театр қайта очилганда амал қилади.