06 декабрь, 2022

Самарқандда ака ва ука ўртасидаги жанжал қотиллик билан якун топди

2022 йил 1 декабрь куни Самарқанд тумани Қайнама маҳалласидаги автомобилларни таъмирлаш устахонасида ака ва ука ўртасида жанжал содир бўлган. Жанжал давомида ака укасига ошхона пичоғи билан бир неча марта зарба берган. Оқибатда, оғир тан жароҳатлари олган ука вафот этган. Дастлабки суриштирувда натижасида қотиллик оилавий можаролар ва маст қилувчи ичимлик таъсири остида содир этилгани аниқланган. Ҳодиса юзасидан қотиллик содир бўлган маҳаллада вилоят ИИБ бошлиғи иштирокида муҳокама йиғилиш бўлиб ўтган. Йиғилишда маҳалла мутасаддилари ҳамда участка профилактика инспекторининг фаолияти кескин танқид остига олинган.