25 ноябрь, 2022

Ғофуржон Мирзаев Сирдарё вилояти ҳокимлигидан кетди

Ўзбекистон Республикаси Президентининг тегишли фармонлари билан Мирзаев Ғофуржон Ғаниевич Президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозимига тайинланди ва Сирдарё вилояти ҳокими лавозимидан озод этилди. Маълумот учун, Ғофуржон Мирзаев 1964 йилда Фарғона вилоятида туғилган. 1990 йилда Тошкент политехника институтини, 2000 йилда Тошкент давлат иқтисодиёт университетини тамомлаган. Меҳнат фаолиятини Фарғона вилояти Бағдод туманида буғдойни қайта ишлаш заводида бошлаган. У 2003 йилда Ўзбекистон президенти аппаратида инспектор сифатида иш бошлаган ва 2016 йилга қадар шу ерда ишлаган. 2016 йил 15 декабрида Ойбек Аширматов ўрнига Сирдарё вилояти ҳокими этиб тайинланганди.